10 arrazoi zure autoari baja emateko
Irakurri arretaz ondoko 10 arrazoiak. Halako egoeraren bat gertatzen ari bazaizu, bada une egokia auto-desegite Zentroarekin harremanetan jartzeko eta TZN-n behin betiko baja emateko.
Arrazoi bakoitzaren azalpen zehatza ikusteko baten gainean klik egin.
Zure ibilgailuak urtebete baino gehiago darama geldirik edota erabili gabe, eta jada ez zaizu baliagarri egiten.
Zure ibilgailuak urtebete badarama aparkaturik, ez baduzu erabiltzen eta ez baduzu saltzeko asmorik, auto-desegite Zentrora eramateko eta TZN-n baja emateko garaia heldu da. Litekeena da alferrikako gastuak izatea, hala nola, autoaren zirkulazio zerga. Bestalde, autoak aparkatuta dagoen tokian traba egin dezake.
Zure autoa behin eta berriro matxuratzen baldin bada, eta akats mekaniko horien konponketa ez bazaizu jada errentagarri egiten.
Zure autoak behin eta berriro matxura mekanikoak baldin baditu, eta tailerrean denbora gehiegi pasatzen badu, zure aurrekontuan sartzen ez diren gastu garrantzitsuak sortuz, ibilgailua desegitera eramateko unea heldu da. Bertan birziklatu egingo dute eta zuk, zergatik ez, auto berri bat erostea kontuan har dezakezu.
Zure autoak istripua izan badu eta konponketa oso garestia bada.
Zure autoak istripua izan badu eta zuk ezin baduzu konponketa zeure gain hartu edota, besterik gabe, ez badu merezi, ibilgailua desegitera eramateko unea heldu da. Halako kasuetan, autoak 10 urte baino gutxiago baditu, tasazioa egingo da eta zuk diru-kopuru bat jasoko duzu Tratatzeko Zentro Baimenduaren (TZBren) eskutik.
Aseguru-etxeak zure autoa erabat hondatutzat jo baldin badu.
Zure autoak istripua izan badu eta aseguru-etxeak erabat hondatutzat jo baldin badu, autoa desegitera eraman beharko duzu. Lehen matrikulatze-datatik 10 urte baino gutxiago pasa badira tasazioa egingo da, eta Tratatzeko Zentro Baimenduak (TZBk), deskontaminatzeaz eta behin betiko baja emateaz arduratuko denak, diru-kopuru bat ordainduko dizu.
Zure ibilgailuak 10 urtetik gora baldin baditu eta berri bat erosteko asmoa baduzu.
Oro har, ibilgailu zaharrek berriek baino gehiago kutsatzen dute. Auto zaharrek, auto guztien %10ak, atmosferara igortzen duen CO2 guztiaren %80aren erantzule dira. Zure ibilgailuak 10 urtetik gora baditu, litekeena da %10 horren artean egotea. Halako autoei baja ematea ingurumenari laguntzeko modu ona da, zeren eta TZBn edota auto-desegite gunean deskontaminatu eta bere atalak birziklatu edo/eta berrerabili egingo baitira.
Ibilgailuaren jabea zendu bada eta jaraunsleek edota senideek ez badute erabiltzen jarraitu nahi.
Ibilgailuaren jabea zendu bada eta senideek ez badute erabiltzen jarraitu nahi, eta ez badute saltzeko asmorik, Trafikon behin betiko baja kudeatzeko unea da. Modu horretan ibilgailua traba bihurtzea saihestuko da. Era berean, deskontaminatu eta birziklatu egingo da, legeak agindu bezala.
Autoa lapurtu baldin badute.
Zoritxarrez, gerta daiteke autoa lapurtzea edota jabeak ez jakitea autoa non dagoen. Halako kasuetan, onena da salaketa egitea eta Trafikon aldi bateko baja eskatzea, zirkulazio-zergarik ordaintzen ez jarraitzeko.
Ibilgailua enpresarena baldin bada, desgaste handia pairatu badu edota enpresak ibilgailu berriak erostea erabaki badu.
Ibilgailua enpresarena bada eta desgaste handia pairatu badu edota erakundeak ibilgailu berriak erostea erabaki badu, aukera ona da autoaren behin betiko baja kudeatzeko. Arduraduna Bajavehiculos.com-ekin harremanetan jar daiteke, eta horrela TZN-n behin betiko baja bideratu.
Ibilgailua beste herrialde batera esportatzen bada.
Ibilgailua beste herrialde batera eramaten bada, behin betiko esportazio-baja eskatu behar da. Kasu honetan, jabeak Trafikora jo eta dokumentazio egokia aurkeztu behar du.
Ibilgailua denbora luzez erabiliko ez bada.
Ibilgailua denbora luzez erabili ezean, Trafikoko Zuzendaritza Nagusian aldi bateko baja eska dezakezu. Horretarako, hurbilen daukazun bulegora jo beharko duzu, dokumentazio egokia eramanda. Aldi bateko baja izanik, ibilgailuari berriro alta ematea eska dezakezu.
